En tempos
electorais, coincidindo coa chamada “crise”, os políticos andan
a voltas coas cifras como tendeiros. Os números non casan coas
necesidades cívicas.
Parten
da escaseza sen indicar como se motivou e se mantén. Non din que os
negociantes fraudulentos que esgotaron as arcas do Estado seguen
enriquecidos; que mesmo se foron descubertos e condenados a prisión,
nunca devolveron o furtado, e mesmo poden presentarse ás eleccións
para seguir roubando con todas as da lei; que
se as
persoas con alto poder económico contribuísen aos presupostos de
modo equivalente á poboación asalariada, outra crise cantaría.
O
fascismo sempre aproveitou as crises para suprimir dereitos e impor
as ideoloxías conservadoras, valorando o privado sobre o público,
non só na economía, senón na importancia da familia e da relixión.
Por
Real Decreto vén de ser condecorada coa Gran Cruz da Orden do Mérito
da Guarda Civil, a Virxe do Pilar, patroa do Corpo. Non dá para
alucinar? Pois hai máis: Nomearon Doctor da Igrexa Universal a San
Juan de Ávila, coa presencia de Rouco Varela e Cospedal e Soraya con
mantilla. Volve o santoral e o nacional-catolicismo!
Quen
fala da crise de valores?
12-
de outubro. Malia a gran cruz, parabéns ás Pilar
MXQ
No hay comentarios:
Publicar un comentario