FEMINISTAS INDEPENDENTES GALEGAS

8 de marzo

2012-03-14T09:52:00.000-07:00

Video e fotos elaborados por Mulleres Nacionalistas Galegas

- Video manifestación
- Reportaxe fotográfica

Fenda salarial e igualdade

2012-03-13T05:28:00.000-07:00

Artigo de Manuel Bragado en Faro de Vigo

Ás portas da celebración do 8 de marzo, Día Internacional das Mulleres, o Gabinete Económico de CC OO presentou un informe moi clarificador sobre a situación das mulleres no noso mercado laboral: "A realidade das mulleres en Galicia: o emprego, o salario e a pensión". Baseado en series estatísticas do Instituto Galego de Estatística, da Enquisa de Poboación Activa e da Axencia Tributaria, analiza con moito detalle os datos de emprego referidos ás mulleres tanto nos entornos do que foi o ciclo económico expansivo de 2005 a 2008, no que se incrementaron as taxas de actividade e emprego, como no recisivo da crise actual 2009 a 2011, no que aumentou de forma brutal o paro e a temporalidade. ler todo o artigo

Feminismo ou barbarie, por María Xosé Queizán

2012-03-13T05:01:00.000-07:00

Ciclo: Encontros con escritoras, Concellería de Igualdade

8 de marzo día internacional da muller. Víveo en VIGA

2012-03-02T12:39:00.002-08:00

PROGRAMA DE ACTIVIDADES
Reportaxe 3 de marzo de MNG

Convocatoria unitaria

2012-02-23T09:44:00.000-08:00

ENCONTROS CON ESCRITORAS. Concellería de Igualdade de Vigo

2012-02-22T11:36:00.000-08:00

DSK ( DECRÉPITO, SÁDICO, KOCHO)

María Xosé Queizán

A satisfacción que nos producira a detención deste acosador sexual en USA, veuse abaixo ao comprobar que o poder ten capacidade para burlar a xustiza e para comprar o silencio. Malia leva. Despois o flamante exdirector do FMI volve marchar de rositas da acusación de violación da xornalista francesa Banon, ao ter prescrito o delicto.

Pero, estamos no entroido e a todo porco lle chega o seu momento. Volve ser detido con acusacións de proxenitismo e desvío de fondos. O tema é vello e habitual nas relacións económicas patriarcais. Uns empresarios organizaban festas, pagando gastos de viaxe e hotel, onde o prato forte eran os corpos de mozas prostituídas que compracían os invitados. Ata aquí algo ben coñecido, e non só nas festas de Berlusconi, senón nas viaxes de comerciantes, nas xuntanzas masculinas, mercantís. Despois da opípara cea ofrecen o obxecto sexual no leito. A empresa invita. Todos saben que a moza foi contratada, menos o DSK que a considera unha amable amiga, agradecida por coitar co gran magnate.

Desta vez, se cae, será polo delicto de desvío de fondos e non polo abuso de mulleres. Os cartos son máis importantes. Aínda que xa sería ben estrafalario que sexa xulgado por desvío de fondos o destinado a dirixir novamente o FMI.

En que mans están os cartos conseguidos pola xente que se esforza, traballa, pensa e produce! Esta troupe sen conciencia, espallada polo mundo, que violan os corpos de mociñas co mesmo automatismo co que xogan ao monopol coas reservas económicas do mundo, tolean co diñeiro virtual, hipotecan alegremente a media poboación e producen unha crise económica de gran calado.

O indignante é que, amos do capital, non dubidan en obrigar á masa traballadora mundial a producir nas peores condicións e perder os dereitos laborais e sociais conseguidos coa loita de anos, para recuperaren os millóns que perderon. Ao que chaman reforma laboral son contratos máis baratos e despedimentos gratuítos para a empresa. De novo Pao e tente teso. No tocante aos dereitos que as mulleres conseguimos con tanto esforzo, chega un novo Santo Oficio para impór leis restrictivas canto á Liberdade e Igualdade e envolvernos con bandeiras imperiais coa Lei de Familia da Xunta de Galicia.

A este atropelo chámanlle Reforma. Contra iso, fagamos a Contrareforma.

Se cómpre Reformar algo é o sistema despótico e inxusto do capitalismo. Que DSK entre na cadea é un bo comezo.

2012-02-22T03:38:00.000-08:00

Barbara McClintock (1902-92) e Lynn Margulis (1938-2011) "os dous xenios da Bioloxía", segundo o Doutor en Bioloxía Molecular, Javier Sampedro Ler o artigo completo

NOTA: Á esquerda McClintock, á dereita Margulis. Lynn Margulis faleceu dun ictus o 22 de novembro de 2011. A pesar do seu labor de investigadora incansable e incomprendida, polas súas heterodoxas aventuras (manifestou que a SIDA non está causada polo VIH senón polas espiroquetas da sífilis) moita xente a coñece por ter sido "a muller de" Carl Sagan.

Presentación Festa da Palabra silenciada

2012-02-15T02:58:00.000-08:00

2012-02-14T04:49:00.002-08:00

TRABALLO ESCRAVO

María Xosé Queizán

O traballo non remunerado é un traballo escravo. Rexeito o traballo non pago mesmo cando é realizado por homes. Pero na sociedade patriarcal, son as mulleres as que realizan a maioría dese traballo que acostuma facerse no fogar, no privado.

Inclúe traballos que, cando son realizados fóra, no mundo público, páganse. Non na casa, no ámbito familiar. Refírome aos labores domésticos, compras, comida, limpeza...etc, así como a atención ao marido, ás crianzas e ás persoas maiores. Son moitas horas. Sen horario, día e, se cadra, noite.

Feito o cómputo, pagalas elevaría un 53% o PIB español. Non sei se inclúen as horas de permanencia en hospitais cando ingresan a familiares, que son tamén atendidas por mulleres na súa maioría.

As mulleres asalariadas, as que teñen un Contrato laboral semellante? ao dos homes, de teren compañeiro e criaturas, realizan unha dobre xornada de traballo.

Este feito, na medida en que lles resta enerxía, atención, interese polo traballo asalariado, é un inconveniente á hora de contrataren mulleres. Os empresarios, ademais de que poden parir e teren días de permiso, pensan que lle dedican menos atención á empresa. Así xustifican a misoxinia á hora de contrataren mulleres.

A influencia relixiosa e conservadora que valora a familia e “amor de madre”, a Lei de Familia aprobada pola Xunta de Galicia, empeora a situación e condena ás mulleres a quedaren atrapadas nunha dobre e alienante vida.

Non é posible a Igualdade mentres este sistema continúe. Pero, aos Estados non lles interesa economicamente igualar a situación legal das mulleres. Aforran moito, cando menos o 53% do PIB, con ese traballo escravo. Daquela, a explotación das mulleres debe continuar, aínda que lles custe a vida a algunhas e a degradación e a infelicidade a moitas.

Por iso o Feminismo está mal visto.

2012-02-07T02:30:00.002-08:00

As cotas da Academia

Saudamos as declaracións conciliadoras do novo Académico señor Saavedra, preocupado pola situación de desigualdade que padecen as mulleres desta sociedade. Aplaudimos a súa reflexión feminista que remata cun matiz incoherente: non cre que a desigualdade se equilibre incrementando a cota de participación feminina (ou sexa, o acceso a postos de relevancia económica ou de consideración social e cultural como poden ser as cadeiras da Academia).

LVdG. II-12

Este punto invita a unha reflexión interesante, porque a equidade é o principio de calquera sistema democrático. Imaxínense un Parlamento dunha soa opción política, ou no que non exista a representación das comunidades autónomas. Ou no que o goberno central elixira @s representantes do pobo? Sería impensable nunha democracia.
Sen escaparnos nunha digresión de máis longo alcance e simplificando moitísimo, pensen que non hai lei natural que "iguale" desde a desigualdade. Como ben recoñeceu o historiador, os obstáculos fundamentais que as mulleres deben sortear para chegar a igualdade non viñeron da súa natureza, senón dunha cruzada patriarcal consciente que se foi apoderando dos seus espazos ata reducilas ao eido doméstico. As cotas femininas son unha insignificante demanda sobre a inmensa débeda secular ás mulleres.
E regresando as declaracións do académico Sr. Saavedra: a ningún académico lle dará por reflexionar na hipercota masculina? Sobre todo en espazos nos que a presenza e a capacidade feminina debería invertir a balanza? Porque hai décadas que as mulleres ocupan as facultades de letras e os espazos culturais deste país.
Pero ten razón; e ao mellor o feminismo debería dar un golpe de timón e non demandar cotas femininas, habería directamente, que denunciar as hipercotas masculinas.

MBC. FIGA

Onde van os cartos da prostitución?

2012-01-12T12:32:00.000-08:00

Do xornal De Luns a Venres:

Unha rede con burdeis en Bos Aires pagou a campaña do alcalde da cidade

LV / Axencias

Segundo a ONG arxentina contra a prostitución La Alameda, unha rede de proxenetas financiou a campaña electoral do actual alcalde bonaerense, Mauricio Macri. A revelación sae á luz tras a denuncia que puxo a filla de Raúl Luis Martins Coggiola, ao parecer un dos responsables da rede, contra o seu pai. A organización fixo pública unha foto na que Macri e a súa muller aparecen supostamente dentro dun cabaré que Martins posúe en México, onde se practica “a trata de persoas e promoción da prostitución”.

Segundo a denunciante, Macri pagou a campaña para que os bordeis que posúe en Bos Aires exerzan a súa actividade sen ser molestados polas forzas da orde, das que terían un trato de favor.

Na trama tamén estaría implicado un xuíz bonaerense.

-----------------------------------------------------------------------------------------------------------------------------------
Onde van os cartos da prostitución?

Ningún negocio como o da prostitución é quen de seducir a elementos que a sociedade ten por respectables, porque nos representan, nos protexen, nos curan. Sen embargo, podemos aprezar na lista dos xa imputados en tramas de burdeis ou supostos cómplices: a concelleiros, membros da policía municipal, da Garda Civil, médicos; as súas caras van saíndo á luz grazas ao traballo valente e meticuloso da xuíza que instrúe o caso da operación Carioca, en Lugo.

Pero, sen chegar a operacións da envergadura do Carioca e enlazando coa noticia que encabeza esta reflexión, onde van parar as fortunas que xera a prostitución? Habería que pararse a pensar que fan os concellos nos que se instalan os prostíbulos, os "tablaos", os pisos de citas? Por qué unha cidade civilizada como Vigo, segue a ter taxis que anuncias prostíbulos? Costa crelo pero todos os partidos demócratas que estiveron a fronte da Alcaldía desta cidade seguen a permitir o maltrato das mulleres dentro das casas de citas, dentro dos burdeis, dentro dos taxis que serven de cómplices aos traficantes de mulleres; calan, MINUTO DE SILENCIO para a foto, e non fan nada.
Non fan nada porque existe unha clara complicidade co sistema de explotación porque xera cartos, moitos cartos que financia caprichos, algunha fonte de pésimo mal gusto, e as veces, (espero que aquí non) campañas electorais.

M.Bar

2012-01-12T02:54:00.000-08:00

Un roteiro con moita historia... das mulleres de Vigo

Recuperando a nosa memoria; un interesantísimo proxecto das MNG,
que debería ter deixado
pegadas (físicas) nos recantos vigueses.

Festa da palabra 27

2011-12-31T02:18:00.000-08:00

A piques de saír á rúa, FIGA celebra a chegada do novo ano 2012 con novos alicerces científicos para a nosa revolución en marcha. Benvido pois este monográfico da Festa da palabra silenciada das Nobel científicas*, que promete ser diverso e polémico.

*Ilustración da cuberta de Eva Carrera

2011-12-19T11:14:00.000-08:00

Hipersexualización 2

Comentaba o outro día a hipersexualización da sociedade actual.

Esquecín un dato ben gráfico e aparente: A intervención nos beizos que fan moitas mulleres para ampliar os beizos, sobre todo as que aparecen publicamente, as modelos e actrices.

Se nos fixamos, eses labios grandes e grosos semellan os labios maiores dunha vulva. A través da exuberancia e o vulto carnoso e vermello no rostro proclaman a vizo do sexo. ler artigo

MEI PAI VAITE MATAR

2011-12-12T11:50:00.000-08:00

GALERÍA FOTOGRÁFICA, FIGA, VIGO, 14 DE DECEMBRO DE 2011

E a reportaxe de Vitor Acuña

Sentido común dun feminista

2011-12-10T11:54:00.000-08:00

En torno ao debate abolicionista na Franza (sempre nos teñen que adiantar, a pesar do goberno conservador) o xornalista Iñaki Gabilondo pregúntase -igual que moit@s de nós- como unha sociedade civilizada acepta con mansedume esta lacra social que denigra tanto aos machos como ás femias, entregándose a unha actividade que pon en evidencia os peores instintos da especie humana.

http://blogs.elpais.com/la-voz-de-inaki/2011/12/no-a-la-prostitucion.html

2011-12-09T04:30:00.000-08:00

2011-12-02T11:53:00.000-08:00

The culture of masculinity costs all too much to ignore

If men committed as little crime as women it would help pay for the deficit. They can change: testosterone need not mean violence

HIPERSEXUALIZACIÓN

María Xosé Queizán

A sociedade actual está hipersexualizada. O sexo está magnificado e, ao mesmo tempo, vulgarizado. Permanentemente en escena, na arte, no teatro, no cine, na publicidade, fíxose imprescindible. Se hai 40 ou 50 anos as películas remataban cun bico da parella, hoxe comezan cun coito. ler todo o artigo

25 de novembro, en Vigo

2011-11-25T10:29:00.000-08:00

Galería fotográfica

O desenlace

Galería das MNG, gradecementos a Vítor, o fotógrafo

"Una hostia a tempo te pone a andar"

2011-11-24T10:00:00.000-08:00

"La violencia no es el camino, pero una hostia a tiempo te pone a andar".

Deste xeito celebran algúns locais comerciais o Día internacional contra a violencia de xénero. A poucos metros do Museo MARCO, de Vigo, un dos puntos de arranque do "Enlaza Vigo contra a VdX", no escaparate dunha tenda que vende camisetas para progres e xente nova desenfadada, con frases cheas de inxenio, podemos aprezar esta broma de tan mal gusto que unha vez máis nos confirma a falta de conciencia social incluso a niveis progres que se lles presupón unha maior intolerancia contra a inxustiza.

2011-11-21T12:21:00.001-08:00

Galería fotográfica

2011-11-17T09:28:00.000-08:00

O CONTRATO SEXUAL, por María Xosé Queizán

Unha das miñas teimas en relación co Feminismo é a permanencia na sociedade patriarcal do Privado e o Público. ^¹Cando na Ilustración xorde a teoría do Contrato, un enorme avance que vai sustentar a liberdade persoal, unha liberdade civil igual que é protexida polo Estado. Pero o mesmo Rousseau, impulsor do Contrato, exclúe del ás mulleres. Establécense dous Contratos: O Público, pertence á esfera masculina, a esfera da Polis é a da liberdade. Un home que só vivise a vida privada non era plenamente humano. ^² Na esfera pública é onde as cousas teñen valor. ler todo o artigo

As silenciadas

2011-11-14T02:17:00.000-08:00

As silenciadas", guerrilleiras galegas

2011-11-11T01:21:00.000-08:00

25 de novembro, día contra a VIOLENCIA DE XÉNERO

O patriarcado, por Teresa Barro

2011-10-25T08:53:00.000-07:00

O patriarcado é

un sistema autoritario que estabelece desigualdade e xerarquía nata. Ora, mesmo porque é un sistema, pódese estudar, ver cáles son as columnas que o sosteñen e botalas abaixo. ler o artigo

Un pesadelo que non cesa: o terrorismo machista

2011-10-24T02:29:00.000-07:00

MANIFESTO DE FIGA

Feministas Independentes Galegas, (FIGA) quere expoñer a súa indignación ante os criterios adoptados polo Goberno, Institucións políticas, Partidos, Asociacións e demais compoñentes políticos e sociais, ante a declaración do cese da violencia etarra.

Puidemos ler e escoitar declaracións deste tipo:

É o fin dunha vida incerta, insegura.

Nace un novo tempo político.

Punto final do pesadelo

Cese da violencia que foi a aspiración da sociedade española durante décadas.

A democracia termina por triunfar sobre os fanáticos que sementaron o terror.

Non haberá un guarda civil, un político, un empresario, un obreiro... máis, asasinado.

Agora é o momento da esperanza e da memoria.

A metade da humanidade, as mulleres, que SOMOS HUMANAS, aínda que non sexamos consideradas coma tal, ao ler e escoitar declaracións deste tipo, sentímonos desfechadas e ofendidas. Ignoran as autoridades o peor flaxelo que padece esta sociedade, a persecución, a dor, o sufrimento das mulleres. Non teñen en conta o número de mulleres asasinadas acotío polos seus esposos ou compañeiros. Prescinden das criaturas asasinadas polos propios pais ou padrastos, para vingarse das nais.

De que democracia ousan falar?

As víctimas de ETA, mereceron grandes pompas fúnebres, e mesmo leis que os amparen e perpetúen a súa dor.

As víctimas do terrorismo patriarcal, só merecen UN MINUTO DE SILENCIO diante dos seus respectivos concellos. Despois, o seu nome pasa ao anonimato.

Son víctimas do poder masculino, do dominio que, en maior ou menor medida, exercen todos os homes sobre as SÚAS mulleres. Estes criminais non pertencen a unha organización armada nin a un ideario particular; pertencen a un sistema universal chamado patriarcado, un comportamento que se sucede desde os primates aos homes actuais, e que se foi adaptando a todos os sistemas e épocas, favorecido polas relixións, os sistemas reaccionarios e os beneficios e privilexios que obteñen del todos e cada un dos homes.

Paréceme escoitar as protestas: non todos os homes se comportan así! Certo. Non o fan. Algúns porque son pacíficos e conciliadores; algúns porque se solidarizan coas compañeiras. Pero, en xeral, débese á necesaria complementariedade:

Frente á dominación é precisa a submisión.

A supervivencia, o instinto de conservación das mulleres levounas a agacharse, tras dos burkas ou tras un “hai que sabelo levar”. Cando as esposas- esposadas se rebelan, se enfrontan ou pensan en fuxir, acostuma saír a fera patriarcal instalada no sistema límbico dos cerebros masculinos.

Como é posible que homes amantes da liberdade, da xustiza, da solidariedade humana, diríamos, non se alporicen ante tanto crime contras mulleres e só consideren as víctimas masculinas e públicas?

Mellor que falar de perversión e misoxinia deliberadas, será constatar a CEGUEIRA. Resulta que as mulleres paren homes incapacitados para ver, para considerar persoas e cidadás ás mulleres, mesmo se viven, se alimentan, gozan, se empoderan, reciclan e perpetúan, grazas a elas. Así é. Non as ven. Por iso, cando as violan, maltratan e asasinan, non as contan, nin as reputan nin as respectan.

A división, unha liña sempre imprecisa, entre dereitas e esquerdas, neste caso non conta en absoluto.

Desde o ano 2003 temos estatísticas do número de crimes cometidos contra as mulleres, no núcleo sentimental, na sacrosanta familia, no espacio do amor e do apoio mutuo.

Desde o ano 2003 ETA matou 16 persoas. No mesmo período foron recoñecidas como asasinadas con diferentes métodos 617 mulleres. Desde que ETA cometeu o 1º atentado, o machismo acabou coa vida de 3.060 mulleres, contando a unha media de 60 por ano.

Sigan facendo contas. Saian de España a Europa, EEUU, Canadá, os países “democráticos”. Recorran despois Asia e América do Sur. Intérnense no inferno feminino africano e sumen. Sintan como se lles quebra a calculadora, como as cifras gritan e desbordan o contable, o concibible. Despois disto, se afirman que as mulleres somos humanas, digan se poden durmir tranquilamente.

Poderán. Xa verán como non falan desta masacre nos mitins electorais.

FIGA

ETA pode pedir perdón ás súas víctimas. É un número asumible.

Subvencións da Xunta para o integrismo católico

2011-10-20T04:05:00.000-07:00

Información da revista ANDAINA:

O PP reparte o dinheiro público do departamento de Igualdade entre entidades integristas católicas

Publicado o Outubro 19, 2011 por revista andaina

Do Diario Liberdade extraida da info do noso blogue

“Rebaño de María”, “Sí a la vida”, “Red Madre”, “Siervas de la Pasión”, “Betania de Jesús Nazareno”, “Ayuda a la Vida”… som algumhas das entidades extremistas que recebem neste ano o dinheiro público galego destinado à Igualdade.

A quantidade total repartida pola Conselharia da Presidência, Administraçons Públicas e Igualdade, em maos do PP, é de 916.000,00 euros, que som distribuídos nas entre um bom número de entidades amigas, algumhas ligadas à extrema-direita anti-abortista e dependentes do Vaticano ou, no mínimo, abertamente confessionais. Bastante visível em boa parte das organizaçons premiadas é o seu papel de reforço de linhas de trabalho social antifeministas e patriarcais, sendo que algumha delas até pode estar envolvida em atividades ilegais.

‘Rebaño de María’, organizaçom católica investigada por adopçons ilegais, entre as subsidiadas

De facto, entre as entidades subisidiadas estám as “Hermanas Terciarias Franciscanas del Rebaño de María”, que estám a ser investigadas por suposto envolvimento em adopçons ilegais em Lugo, dentro da “Operaçom Carioca” contra a prostituiçom e a entrega ilegal de bebés. Lembremos que essa operaçom destapou um escándalo de prostuiçom e corrupçom com altos comandos da Guarda Civil acusados.

A residência “Hogar Madre Encarnación”, propriedade do tal “Rebaño de María” situada na cidade das muralhas, e que se dedica ao acolhimento de mulheres grávidas, pode ter cometido irregularidades em processos de entrega de bebés geridos pola própria Junta da Galiza. Nada disso impediu que agora a Junta da Galiza tenha aprovado entregar 18 mil euros ao “Rebaño de María”... ler máis

DOGA, luns 17 de outubro de 2011

2011-10-13T09:16:00.000-07:00

o machismo mata

2011-10-13T09:06:00.001-07:00

http://feministasindependentesgalegas.blogspot.com/p/convocatorias.html

CARTA AO CONSELLO MUNICIPAL DA MULLER

2011-10-10T00:48:00.000-07:00

Queridas amigas e compañeiras feministas: Recibín unha alegría cando souben que no Consello Municipal da Muller do Concello de Vigo, me propuxerades para formar parte da Real Academia Galega. Dixen xa daquela que o voso recoñecemento era máis importante para min que o ingreso nesa alta Institución. Ademais vos afanaches para conseguir moitos apoios, comezando polo concello da miña cidade, que tanto me gorentou, e outros concellos, asociacións e persoas galegas a quen lle debo recoñecemento...
http://feministasindependentesgalegas.blogspot.com/p/asunto-academia.html

80 anos de parabéns a Clara Campoamor

2011-10-03T10:55:00.000-07:00

Cúmprense oitenta anos desde aquela xornada na que a deputada do Partido Radical, Clara Campoamor, conseguiu vencer as reticencias de varóns das Cortes Republicanas (da dereita e da esquerda, incluso do seu partido) para permitir ás mulleres españolas o acceso ao sufraxio activo. Foron longas negociacións, traicións e plantes como o da súa única semellante, a socialista Victoria Kent, que desconfiaba da independencia de criterio das mulleres, dominadas pola igrexa.
Neste aniversario gabámonos da valentía de Clara Campoamor co seu taxante e innegociable: "unha muller, un voto". Unha aposición semellante, claro que só no aspecto gramatical, saía estes días da boca do Ministro de Xustiza, Francisco Caamaño -"un home, un cargo"-, en relación á acumulación de cargos públicos de polític@s do PSOE. Pero o máis grave do asunto non é a expresión, xa de por si excluínte e trasnoitada, senón o silencio e a falta de réplica das mulleres e os homes do seu partido, sobre todo dos que presumen de feministas nos mitins. Alí si que repiten ata a o empalago aquilo de "compañeiras, compañeiros, mozos e mozas..." Que pasaría se Caamaño trocase o xénero: "unha muller, un cargo"? Probablemente sairían como feras todos eles e, o peor, elas, tamén indignadas polo lapso. Pero non é doado confundirse a prol do sector marxinado.
Desde a óptica feminista a docilidade coa que aceptamos ser obviadas, soa a renuncio, a baixada da garda ideolóxica; unha especie de insensibilidade ante a "norma excluínte", que se nos pode vir enriba como castelo de naipes, cando máis seriamente deberíamos apuntalar os nosos dereitos.

Crimes de Estado

2011-09-23T09:45:00.000-07:00

Carta aberta a Amnistía Internacional

Comparto a vosa dor por Davis pero gustaríame que compartírades a mesma dor por cada muller que asasina a parella día día ou semana a semana. A "normalidade" fai que non merezan a mesma importancia que un preso no 
corredor da morte. Pensade que esas mulleres viven en situacións peores, que o seu corredor da morte está inzado de ofensas, de menosprezo, de traballo excesivo, de depresión. De querer escapar espéralle a morte. Ás 
veces, só porque si. Porque quen manda, manda. Estas vítimas, asasinadas normalmente no "privado" só merecen Un Minuto de Silencio ás portas do respectivo Concello. Non merecen a vosa piedade nin a vosa atención? Con afecto, MXQ

O ERRO INFINITO

2011-09-12T09:13:00.000-07:00

María Xosé Queizán

Continúo pensando que as insólitas revolucións que se están levando a cabo nos países árabes son os sucesos históricos máis relevantes do inicio do s.XXI. E digo inicio porque os cambios, desde o descubrimento do motor, estiveron marcados pola velocidade, e desde internet, abriron os espacios nunha internacional feita realidade.

Mesmo así, os avances conviven con reductos reaccionarios. Mentres Túnez, Exipto, agora Libia e mañá, esperemos, Siria e outros, se liberan dos dictadores medievais, crueis e coránicos, para iniciar unha vía democrática e laica, permanecen masas islamistas, onde domina a parte irracional e primitiva do cerebro, que devecen por matar infieis, como fixeron os cristiáns con eles na época medieval.

Sempre hai supremas organizacións, como Al Qaeda, ou outrora a Igrexa Católica, que se benefician da súa influencia dogmática, e premian as masacres da alienación co perdón dos pecados e un lugar preferente no ceo. Así rescatan persoas Purificadas ( ás mulleres, mira por onde!, permíteselles a entrada na corte de suicidas que cometerán atentados inmolándose) para os actos terroristas. En España, onde campan ás súas anchas e toman as rúas para orar, nunha postura abondo irreverente, foron adoutrinad@s unha manchea de mentes portadoras de odio relixioso.

Por moi paradoxal que pareza, é máis doado acabar cun dictador e as súas armas bélicas, que coa reprodución ideolóxica da fe e os dogmas relixiosos tradicionais. Isto me leva a pensar que logo escoitaremos críticas sobre a permanencia de certos costumes ou o uso do velo feminino, nos países árabes que fixeron o cambio democrático. Serán de persoas que ven a palla no ollo alleo e ignoran a trabe no propio. Despois de 37 anos da morte do noso dictador, e durante 36 anos de “democracia”, aínda non conseguimos que os gobernos, con varias lexislaturas de ideoloxía socialista, acabaran co vergonzoso Concordato co Vaticano que permite recibir o Papa con honores de xefe de Estado e diñeiro público.

En Vigo, e non ha ser unha excepción, mantense desde hai 50 anos, a pesar das múltiples reclamacións de certa cidadanía, a Cruz dos Caídos, frente por frente dun goberno municipal socialista. Mentres España non sexa un estado laico, non será democrático. Aínda nos van adiantar as Constitucións das novas democracias árabes.

Aspiramos a unha democracia real, a un ensino eficiente e xeral que incremente os coñecementos da cidadanía, non só para servir no mercado capitalista, senón para acabar con mitos e teas de araña fanáticas, e abrir as mentes a espacios libres e gratificantes. Dixo Bertolt Brecht: A causa principal da pobreza cognoscitiva é a riqueza imaxinaria. O principal obxectivo do coñecemento non consiste en abrir a porta da sabedoría infinita, senón en poñer coto ao erro infinito.

Aforro real xa

2011-07-08T04:45:00.000-07:00

Algunhas propostas de aforro das administracións públicas:

http://www.d-3.info/foros/eliminacion-del-senado-t352.html#p2353

Guerra á liberdade de eleción

2011-07-08T04:37:00.000-07:00

A Xunta saca un plan para que “chegue a termo” o embarazo, contando co apoio loxístico colectivos como Red Madre ou Cáritas Diocesana (informa O Xornal)

Presentación do Libro homenaxe a María Xosé Queizán

2011-05-30T02:00:00.000-07:00

Presa por conducir

2011-05-27T03:18:00.000-07:00

http://www.es.amnesty.org/actua/acciones/arabia-saudi-manal-al-sharif/?origen=manal_may11mail

Manal al Sharif es asesora de seguridad informática y tiene 32 años. El 21 de mayo conducía un coche en compañía de su hermano, Muhammad al Sharif, cuando unos agentes de tráfico les dieron el alto. Inmediatamente les detuvieron aunque a las pocas horas fueron liberados tras hacerles firmar unas declaraciones en las que se comprometían a que Manal al Sharif no volvería a conducir en Arabia Saudí. En la madrugada del día siguiente los dos fueron detenidos de nuevo e interrogados: Muhammad quedó libre pero Manal fue trasladada a una prisión de mujeres de Dammanm, donde permanece recluida. Manal participaba en la campaña “Women 2 Drive” (Mujeres al volante) contra la prohibición de que las mujeres conduzcan en Arabia Saudí. Se trata de una campaña pacífica en la cual las mujeres se graban conduciendo y hacen públicas en la web las imágenes. Manal había subido a YouTube un vídeo de este tipo.

Las mujeres de Arabia Saudí se enfrentan a una severa discriminación tanto en la ley como en la práctica. Se les niega el derecho al voto, y deben obtener el permiso de un tutor varón para poder viajar, realizar un trabajo remunerado, cursar estudios superiores o casarse. La violencia de género es, según se cree, generalizada.

Firma esta carta demandando la liberad de Manal al Sharif, considerada por Amnistía Internacional como presa de conciencia, detenida por cuestionar leyes y políticas discriminatorias.

¡Actúa! http://www.es.amnesty.org/actua/acciones/arabia-saudi-manal-al-sharif/?origen=manal_may11mail

En defensa da igualdade, non á Lei de familia

2011-05-17T14:39:00.000-07:00

Asina a petición pública

2011-05-17T14:14:00.000-07:00

A CAMAREIRA DO MEU AMOR.

No noso país e nos que nos rodean sería impensable a detención e ingreso en prisión de Strauss-Kahn.. É posible na democracia americana. Algo que debe servir para recapacitar a aqueles que aforran calquera compromiso dicindo que todo é culpa dos americanos, como fan os conservadores con Zapatero.

Por estes lares, que unha camareira de hotel, inmigrante africana, negra, denuncie de abuso sexual e intento de violación a un dos homes máis importantes do mundo, sería surrealista. A propia traballadora nin sequera o intentaría ao saber de antemán que a súa palabra non ía ter valor nin creto. Porén, a camareira dun hotel de Nova York fíxoo, confiando nas leis estrictas do país para tales delictos, acusou de intentar forzala a actos sexuais, oral e anal, a Satruss-Kahn, no seu cuarto, onde entrara para limpar.

O autor da agresión e intento de violación, é, nada menos que o Director do F.M.I., máxima autoridade no ámbito económico, que aspiraba a Presidente da República Francesa, polo partido socialista.

Foi detido a punto, cando xa tomara precipitadamente, un avión de Air France para marchar ao seu país. Foi sacado do avión, esposado e conducido á comisaría. Sometido a unha roda de recoñecemento, a vítima identificouno como o agresor.

Non foi aceptada a fianza que estaban dispostos a pagar os seus avogados, 1 millón de dólares. Unha cifra importante para o director do FMI, pero que non lle serviu de nada para impedir que se faga xustiza. Está no cárcere co traxe de penado. Daría algo por ver unha foto.

O partido socialista francés e os compañeiros do FMI, falan de momento da presunción de inocencia.
Solidariedade coa vítima, desde hoxe a Camareira do meu amor.

María Xosé Queizán

Libro homenaxe a María Xosé Queizán

2011-04-28T03:15:00.001-07:00

2011-04-25T09:16:00.000-07:00

Grândola, Vila Morena (25 de Abril)

Fermoso himno da revolución dos cravos

que nunca deixa de emocionarnos

2011-04-19T03:33:00.000-07:00

III ENCONTRO NACIONAL DE MULLERES 2011

organiza: REDE DE MULLERES VECIÑAIS CONTRA OS MALOS TRATOS DE VIGO

DATAS: 27 e 28 DE MAIO (Pódese asistir só o sábado)
LUGAR: RESIDENCIA DE TEMPO LIBRE DE PANXÓN
+ INFO NOS TELÉFONOS 986 22 23 28 /// 606 92 91 37

Alumnado de Barcelona pola laicidade da Universidade

2011-04-17T04:45:00.000-07:00

Alumnado de Barcelona solidarízase coas alumnas de Somosaguas

http://feministasindependentesgalegas.blogspot.com/2011/04/algo-se-esta-mover-na-universidade.html

2011-04-17T04:43:00.000-07:00

Algo se está a mover na universidade. O alumnado de Barcelona maniféstase en solidaridade coas compañeiras reprimidas en Somosaguas

http://www.youtube.com/watch?v=T5Ru51f4c9c

2011-04-13T03:51:00.000-07:00

Trailer do documental de Uqui Permui

2011-04-11T11:31:00.000-07:00

Artigo de Carme Chaparro:

Es una de las armas más poderosas y antiguas de los ejércitos. Pero también esa de la que ninguna milicia presume.

Libia, Afganistán, Somalia, Uganda, El Congo, Iraq. Tres docenas de guerras y conflictos rugientes ocurren en el mundo en estos instantes. Aunque en esos territorios lo más peligroso no es ser soldado. Sino mujer. En los últimos 50 años han muerto más mujeres por cuestión de su sexo que hombres en todas las batallas del siglo XX. Les presento a la violación en masa. ler o artigo

2011-04-10T09:54:00.000-07:00

En defensa da igualdade: non á lei de familia

EN DEFENSA DA IGUALDADE: NON A LEI DE FAMILIA

A Plataforma de organizacións Feministas rexeita o “Anteproxecto de Lei de Apoio á Familia e á Convivencia en Galicia” por regresivo, patriarcal e anticonstitucional.

A lei supón un grave recorte dos dereitos da muller, sitúandoa de novo en labores de nai e coidadora (de nenas e nenos, adolescentes, persoas discapacitadas, dependentes e maiores), establecendo a maternidade como rol vital e controlando desta maneira a súa vida afectiva e sexual.

A Xunta, alegando motivos económicos, evitou progresar no desenvolvemento de leis e decretos como a “Lei galega 7/2004 para a igualdade de homes e mulleres”, a “lei galega 11/2007 para a prevención e o tratamento integral da violencia de xénero”, a “lei 13/2008 de servizos sociais de Galicia”, a “lei 2/2007 de traballo en igualdade das mulleres de Galicia”, ou o “decreto 15/2010 polo que se regula o procedemento para o recoñecemento da situación de dependencia”, que xa recollen medidas concretas de apoio á familia, á atención de mulleres en situación de exclusión, de socialización das cargas familiares, de permitir compatibilizar vida familiar e laboral. ler texto completo

2011-04-07T11:19:00.000-07:00

Un articulista (máis que) potencialmente perigoso anda solto:

Lean vostedes o artigo de S.Sostres de El Mundo: "Un chico normal"

2011-04-07T08:46:00.000-07:00

BERLUSCONI : QUEN LLO ÍA DICIR!

María Xosé Queizán

Queixámonos as feministas do escaso uso das leis que nos defenden. Se a Lei de Igualdade e de Violencia fosen cumpridas, a situación da poboación “rosa” (Berlusconi dixit) sería mellor.

As leis son de grande utilidade. É o caso de Berlusconi. Este personaxe, que sería rocambolesco, de non ser un corrupto, un puteiro e un machista trasnoitado, modifica as leis para que non poidan condenalo por delictos de índole económica. ler máis

2011-03-31T10:50:00.000-07:00

O tratamento da violencia de xénero nos medios de comunicación galegos. A Declaración de Compostela e o seu cumprimento nas redaccións galegas
Grupo de investigación Cidadanía e Comunicación
CIDACOM
http://igualdade.xunta.es/sites/default/files/files/documentos/estudo_cidacom%5B1%5D.pdf

2011-03-29T03:08:00.000-07:00

Mary Wollstonecraft Shelley e a súa criatura artificial (Edicións Xerais, Vigo, 2011)

Entrevista a María Xosé Queizán en El Mundo:

'As mulleres deberiamos reaccionar dun xeito moito máis radical'

2011-03-27T11:40:00.000-07:00

A REVOLUCIÓN DÓ S.XXI: OS PAÍSES ÁRABES

por María Xosé Queizán

Sei, e a historia mo confirma, que o avance da humanidade non se detén. Nos últimos séculos o progreso é máis rápido e máis intenso. Desde que na Ilustración substituíron a Deus pola razón, a humanidade baixou os ollos do ceo á terra, e colleu as rendas da existencia afastada de destinos divinos. Máis

LIBIA

por María Xosé Queizán

En Tunes a revolución puido ser de xasmíns, como en Portugal de cravos; en Exipto, co propio esforzo, o pobo foi quen de expulsar a Mubarak. Cando é así, todo o, chamado, mundo occidental queda feliz. Pero nen todas as policías e os exércitos son tan humanitarios, nin os dictadores son iguais. A outros pobos, como o libio, estalle resultando máis difícil a liberación do déspota que os domina. Máis

2011-03-27T02:35:00.000-07:00

O BNG acada o respaldo unánime do pleno da corporación para declarar Vigo e Galiza como zonas desnuclearizadas

María Méndez e Santi Domínguez

Vigo, 21 de marzo de 2011.- O BNG acadou o apoio unánime da corporación para declarar ao Concello de Vigo como zona desnuclearizada e na adhesión ao acordo do Parlamento de Galiza de 6 de setembro de 2006, para que a Xunta se dirixa ao goberno do Estado co obxectivo de que Galiza sexa de maneira efectiva territorio desnuclearizado.
máis

2011-03-27T02:31:00.001-07:00

Ofensiva dos antiabortistas en Galicia

Red Madre, a asociación que o Partido Popular de Galicia apoiou para lograr o financiamento da Xunta ás súas oficinas, é unha das organizacións que convoca manifestacións contra ao aborto. As protestas serán este fin de semana fronte aos concellos de seis cidades do país e estarán apoiadas pola cúpula da Igrexa Católica.http://galiciaconfidencial.com/nova/7445.html

2011-03-27T02:26:00.000-07:00

Un informe del Consejo de Estado determina que hay que acabar con la publicidad de la prostitución a través de una ley específica

¿Qué hay detrás los anuncios de contactos?

Argumentos para prohibir un negocio que genera 40 millones de euros de beneficios al año para la prensa

Estado Español, Medios de Comunicación, Movimiento feminista, Debates, Prostitución, Publicidad,Trata, Madrid, Jueves 24 de marzo de 2011, por Gloria López

ler artigo

2011-03-18T05:32:00.000-07:00

Mujeres na Informática e na Telecomunicación

O obxetivo principal desta exposición é visibilizar o papel dla muller neste campo científico, e mostrar algunhas das súas aportacións no ámbito das Tecnoloxías da Información e a Comunicación, tanto na actualidade como ao longo da Historia...

http://divulgamat2.ehu.es/divulgamat15/index.php?option=com_content&view=article&id=12190&Itemid=45&limitstart=1

2011-03-09T10:54:00.000-08:00

MULLERES ÁRABES, Artigo de María Xosé Queizán

Risco de reformas contrarias ás mujeres no mundo árabe

A alta Comisionada, Navi Pillay, defende a súa loita pola democracia

AMECO Press, Xoves 10 de marzo de 2011, Redacción

Revolucionarias, si pero sin poder
(Fonte: Fundación Matria)
http://www.fundacionmatria.org/nav/noticias/noticia_0013.html

2011-03-08T10:34:00.000-08:00

8 de marzo, 100 anos despois da súa declaración universal

Pleno municipal do 8 de marzo do Concello de Vigo, con participación de membras do Consello Municipal da Muller, Concelleiras e ex Concelleiras:

Luisa Ocampo (MNG), o feminismo é a nosa política anti patriarcal e antineoliberal. ler texto completo
Rosa Fontaíña (Rede de mulleres contra os malos tratos), as mulleres seguen a estar desprotexidas ante as institucións e ante a xustiza real. ler texto completo
María Xosé Queizán (FIGA), a cultura para as mulleres e o veneno, un veneno que nos e nos oprime a través das mensaxes degradantes da publicidade e dos Media. ler texto completo
Iolanda Veloso (Concelleira de Igualdade, BNG), estamos dispostas, como mulleres políticas, a asumir os nosos compromisos para cambiar a situación de inferioridade das mulleres.
Lucía Molares (PP), considérome feminista e agradezo o aprendido nos anos de concelleira grazas a feministas como María Xosé Queizán e as demais aquí presentes.
Laura López recoñeceu que as leis do do PSOE en materia de Igualdade e Violencia de Xénero vense mermadas no seu efecto na súa execución

Noutras intervencións dirixíronse as denuncias en ámbitos sociais concretos: Aurea González, de Dorna, manifestou o seu descontento sobre o difícil papel das avoas sobre as que recaen, a falta de garderías, a atención d@s net@s. Unha representante das vocalías da muller recalcou a dobre precariedade que viven as mulleres traballadoras nestes momentos de crise.

http://www.europapress.es/galicia/noticia-consello-municipal-da-muller-vigo-critica-pervivencia-desigualdad-perpetua-precariedad-20110308110044.html

2011-02-19T13:04:00.001-08:00

Carta aberta as académicas e académicos da RAG

A escritora e feminista María Xosé Queizán foi elixida polo Consello Municipal da Muller de Vigo na sesión celebrada o día 14 de setembro de 2010, como digna candidata para formar parte da ilustre institución que vostedes forman. O Consello, axente das políticas de igualdade, levou a consenso a proposta de acadar unha maior representación das mulleres na Real Academia Galega, na actualidade, integrada soamente por catro mulleres, logo do recente pasamento de Olga Gallego Domínguez.

A resolución do Consello valorou o labor extenso a prol da nosa cultura e a nosa lingua, de María Xosé Queizán, consolidada nas súas diversificadas facetas como intelectual, docente e activista a prol dos dereitos das mulleres na nosa sociedade e que damos por feito, a Institución que vostedes forman, terán a ben considerar.

Ler máis

CONSELLO MUNICIPAL DA MULLER

Festa da palabra nº 26 ACTUALIZAR A ROSALÍA, e Festa dixital, nº 2

2011-02-19T12:23:00.000-08:00

Festa da palabra do Centenario de Rosalía

2011-02-16T11:24:00.000-08:00

Desiguais na desigualdade, por Carme Adán
Sobre a crise económica e o efecto sobre as mulleres

"...estas mulleres loitaban polo recoñecemento nas institucións e proclamaban leis de igualdade, aínda que nunca esquecían que as tarefas do coidado seguían nas súas mans. Cansadas da tripla xornada viron como a cadea de coidado desprazábase as mulleres dos países pobres que, poñéndolle rostro feminino a inmigración, viñan a facerse cargo de nenos e vellos. Nos seus países de orixe quedaban as súas nais coidando dos seus fillos e agardando os cartos para alimentar a toda a familia extensa. Tamén estaban aquelas que nos estados en proceso de desenvolvemento traballaban en situación de semiescravitude, xunto as súas fillas e fillos, para que o empresariado podidese presumir das bondades da deslocalización. No efecto arquipélago da distribución da desigualdade, as máis pobres dos países máis ricos sufriron especialmente as practicas abusivas dos bancos e agora, por exemplo, na crise das subprime dous terzos das hipotecas executadas son de mulleres. Sen emprego e endebedadas, con menor poder adquisitivo, con maiores dificultades no mercado laboral, con maiores índices de pobreza, sen poder nin recoñecemento, con dificultade de acceso aos escasos servizos públicos e asumindo en solitario a cadea de coidado teñen que escoitar os discursos sobre a demografía ou as novas leis de familia. Acaso algunha vez deixaron as mulleres aparcado o coidado humano por moito que a economía da especulación non o contabilice entre os seus beneficios?..." Artigo en o Xornal

2011-02-16T10:43:00.000-08:00

El presunto asesino de su ex novia en Málaga evitó la cárcel con un curso sobre igualdad

Fue condenado en 2010 a 14 meses de prisión por amenazas y maltrato. A la víctima le denegaron la teleasistencia móvil por considerarla de riesgo bajo a pesar de tener orden de protección. ler máis

europa press / málaga

Día 15/02/2011 - 23.05h

REVOLUCIÓN NOS PAÍSES ÁRABES

2011-02-01T09:04:00.000-08:00

Ninguén o esperaba. Quen pensou hai so uns días que a masa da poboación en países como Túnez, Exipto... e os que virán, ían saír á rúa para reclamar democracia? Como sempre resulta que os pobos non poden ser identificados cos gobernos que manteñen, cando se trata de dictaduras. Que non todos os musulmáns son islamistas radicais adoradores de Mahoma, que dentro das dictaduras- sempre me acordarei da franquista que me tocou vivir- non todas as persoas son adictas ao réxime. ler máis

María Xosé Queizán

2011-01-31T09:32:00.000-08:00

DA trama dos proxenetas vigueses, irmáns Lorenzo, que tivo de cabeza a ALECRÍN e ás abolicionistas galegas:

http://www.farodevigo.es/sucesos/2011/02/04/popular-restaurante-pub-tapaderas-mayor-red-prostitucion-estafa-vigo/515317.html

Informa: MNG

Das novas en violencia de xénero que de pouco habituais, gostan de ser lidas

2011-01-21T03:33:00.000-08:00

Vén de presentarse Randea do alento, a novela da Premio Nobel Herta Müller, na librería Andel, de Vigo, coa participación de Fran Alonso, Valentín Arias, María Xosé Queizán e a tradutora, Marga Doval. Achégase o texto da introdución de María Xosé Queizán.

Teño reflexionado sobre o feito de que en momentos de grandes traxedias e sufrimentos colectivos pode haber persoas que encontren a felicidade. Cantas e cantos non se terán namorado nun refuxio antiaéreo protexéndose das bombas, ou nun furgón que os leva á cadea ou a un campo de concentración! Cantas persoas non forxaron na guerra fondas amizades... É marabilloso que as persoas sexan quen de vivir momentos de felicidade e de pracer, rodeadas dos desastres e a dor do contorno, ou de salvar o altruísmo, a amizade, o amor en tempo de odio. Trátase do azar desafiando á necesidade.

Ler máis

2011-01-10T03:04:00.001-08:00

NON Á CUSTODIA COMPARTIDA IMPOSTA POR VÍA XUDICIAL NOS DIVORCIOS CONTENCIOSOS SEN ACORDO D@S PROGENITORES

Para: Congreso de Diputad@s de España

Porque ante os casos de separación, divorcio e ruptura de parella entendemos que a custodia d@s menores debe desenvolverse sempre de forma responsable, e que o rexime de custodia compartida só pode outorgarse cando amb@s progenitor@s así o acorden, dicimos NON Á CUSTODIA COMPARTIDA NOS PROCESOS CONTENCIOSOS DE SEPARACIÓN, DIVORCIO E RUPTURA DE PARELLA, ANTE A PETICIÓN DE SÓ UNHA DAS PARTES.

Recollida de firmas: Ler máis e asinar

2010-12-27T16:05:00.000-08:00

Desexos para o novo ano (frívolos) ou non tanto...

Para que no novo ano existan cueiros para a incontinencia masculina e as cremas dos homes non só reforcen a súa enerxía senon que tamén restauren os "síntomas de envellecemento e flacidez".
Ai, que mundiño este...

O CASO JULIEN ASSANGE

2010-12-18T11:39:00.000-08:00

O CASO JULIEN ASSANGE

María Xosé Queizán

Este periodista, fundador de Wikileaks, que acaba de revolucionar os media con milleiros de documentos confidenciais do Departamento de Estado dos EE.UU., paralelamente é requirido pola Xustiza sueca con cargos de violencia sexual. A coincidencia fai pensar (sobre todo a aqueles a quen os delictos supostamente cometidos en Suecia parécenlle anecdóticos e de escasa importancia), que son falsos e pretenden apagar a imaxe do heroe actual a quen a revista Rolling Stone lle dedica o Star do ano.

Ler artigo enteiro

DEFENSA DOS DEREITOS HUMANOS

2010-12-14T03:57:00.000-08:00

Vemos estes días os novos anuncios nos xornais galegos:

María, ladra, roubo como unha profesional. Garántolle o pracer de mil euriños no peto do seu pantalón.

Se ten un “amigo” que lle debe cartos, non dubide en chamarme. Dou as mellores pancadas do mundo por un módico prezo.

Aquí algún exemplo real:

Ler artigo completo

Orde de afastamento

2010-12-07T11:14:00.000-08:00

Quen cre na efectividade desa orde? Os feitos indican que unha pena tan ridícula como afastar ao delincuente o único que conduce é a intensificar o instinto brutal do individuo, non a castigalo como merece.

ler máis

2010-12-05T13:52:00.000-08:00

Comezamos ben...
Blogue sen controlador@s, desculpen a desinformación; así que cheguemos a un acordo sobre as horas extras dedicadas ao feminismo e a loitar pola democracia desde o ano 1975, reanudaremos a nosa tarefa.

(Brincadeira das editoras, claro está)

Tamén permaneceremos a espera de novas nos seguintes espazos: Festa da palabra silenciada e Strómboli.

Non se esqueza de votar na nosa enquisa do mes; a súa participación representa un estímulo para nós.

Cando arranxemos o asunto pecuniario (hahahahaha) abordaremos novas seccións e debates nos que precisaremos a súa a colaboración.

Grazas por continuar alerta.

Feministas Independentes Galegas, FIGA

E, antes de despedir esta acelerada entrada, unha homenaxe ao humor inxenuo das nosas antecesoras, a AGM.